Վրացական ոստիկանության ավտոմեքենան, հատելով Հարավային Օսեթիայի պետական
սահմանը Ցխինվալիի շրջանի Առցեու բնակավայրի մոտ, խորացել է չճանաչված
հանրապետության տարածքում: Հարավային Օսեթիայի Պետանվտանգության կոմիտեի
տվյալներով միջադեպը տեղի է ունեցել ԵՄ առաքելության ներկայությամբ:
«Պետական սահմանին
մոտեցող ոստիկանական մեքենայից Հվ. Օսեթիայի ՊԱԿ սահմանապահ ջոկատայինները
ժեստերով պահանջել են դադարեցնել ընթացքը, սակայն այդ պահանջը չի կատարվել»,- հաղորդել
են հանրապետության իշխանությունները:
Սահմանապահների մի
քանի անարձագանք մնացած պահանջներից հետո ջոկատի կողմից իրականացվել է զգուշացնող
կրակոց դեպի օդ: Ինչից հետո սահմանախախտները վերադարձել են Վրաստան:
Միջադեպի մանրամասները
պարզվել են Հվ. Օսեթիայի ՊԱԿ սահմսնսպսհների, Վրաստանի ոստիկանության և ԵՄ Գորիի
գրասենյակի առաքելության համատեղ ջանքերով:
Ինչպես նշում են
գերատեսչությունում վրացական կողմը
ընդունել է սահմանի խախտման փաստը և այն, որ կրակոցը կատարվել է դեպի օդ՝ միայն
նախազգուշական նկատառումներով:
Ցխինվալում կարծում են, որ հետագայում նման միջադեպերը
բացառելու համար Վրաստանը պետք է արձագանքի հարավօսեթական կողմի՝ սահմանը հստակեցնելու
առաջարկներին:
No comments:
Post a Comment