Օգոստոսի 9-ի գիշերը Իտալիայում տեղի են ունեցել զանգվածային ակցիաներ: Հազարավոր մարդիկ մասնակցել են Սիցիլիայում նոր ամերիկյան բազա կառուցելու դեմ ուղղված ակցիային: Միջոցառումը վերաճել է բախման, ինչի արդյունքում տուժել են ոստիկաններ:
Տեղական դատախազության ներկայացուցիչների խոսքերով բողոքի ակցիայի մասնակիցների մեջ եղել են մաֆիոզ խմբավորումների սադրիչներ և անդամներ: Ցույցի կազմակերպիչների խոսքերով Նաշեմի քաղաքի շրջանում հավաքվել են մոտ 5 հազար մարդ:
Ցույցը վերճել էր բախման ակցիայի մասնակիցների և օրենքի պահապանների միջև: Հաղորդվում է, որ ոստիկանությունը կիրառել է արցունքաբեր գազ: Անկարգությունների արդյունքում տուժել է իրավապահ
ստորաբաժանումներից մեկի աշխատակից, տեղեկացնում է ИТАР-ТАСС-ը: Հայտնի է նաև, որ
մի քանի հարյուր ցուցարարի հաջողվել է ներխուժել ամերիկյան ռազմական օբյեկտի
տարածք, որտեղ իրականացվում է ամերիկյան արբանյակային նորագույն MOUS (Mobile User
Objective System) կապի ռադարների շինարարությունը:
Սիցիլիայում ամերիկյան բազայի
կառուցման դեմ բողոքի ակցիաները սկսվել են դեռ 2011թ-ին: Այն ժամանակ Պենտագոնը
որոշում էր ընդունել ուժեղացնել վերահսկողությունը Արևելյան Միջերկրածովյան շրջանի
նկատմամբ՝ կապված Լիբիական դեպքերի հետ: Իտալացիները նախկինում ևս արտահայտել են
իրենց դժգոհությունը կղզում ստեղծված իրավիճակի հետ կապված: Ցույցերին մասնակել են
ոչ միայն սիցիլացիները այլև «կանաչների» շարժման և մի շարք ձախ քաղաքական
կազմակերպությունների ակտիվիստներ ողջ Իտալիայից:
Սիցիլիայի ինքնավարության
իշխանությունները ամերիկյան ռազմաբազայի շինարարությունը շարունակելու համաձայնություն
են տվել երկու շաբաթ առաջ՝ ստանալով հավաստիացումներ այն մասին, որ ռադարների էլեկտրոնային
ճառագայթումը վնաս չի պատճառի շրջակա գյուղերի բնակչությանը: 
No comments:
Post a Comment