Մուհամեդ Մուրսիի տապալումից հետո Թուրքիայի վարչապետ Ռեջեբ
Թաիփ Էրդողանին Եգիպտոսում չեն թույլատրել այցելել Գազայի հատված: Կահիրեն տեղյակ
է պահել Անկարային, որ «այցելություն չի լինի»: Երկրի նոր իշխանությունները ուրախ
չեն տեսնել Էրդողանին՝ կապված «Մուսուլման եղբայրներին» ցուցաբերած աջակցությամբ՝ ի վնաս եգիպտական
ժողովրդի, հաղորդում են արաբական աղբյուրները:
Թուրքական
իշխանություններն ավելի վաղ քննադատել էին եգիպական զինվորականներին նախագահ
Մուրսիին իշխանությունից զրկելու համար:
Հիշեցնենք, որ
Թուրքիայի վարչապետը պատրաստում էր այցելել Գազայի հատված դեռևս մայիսին, սակայն
հետաձգել էր այցելությունը: Հետաձգման պատճառ են համարվում երկրում ծայր առած
քաղաքացիական բողոքի ցույցերը: Ավելի վաղ հաղորդվում էր, որ ԱՄՆ պետքարտուղար Ջոն
Քերրին է խնդրել Էրդողանին հետաձգել ուղևորությունը: Վարչապետը այցելության մասին
սկսել է խոսել այն բանից հետո, ինչ Իսրայելի վարչապետ Բենիամին Նեթանյահուն նրանից
ներողություն է խնդրել 2010թ-ին «ազատության նավատորմում» թուրք քաղաքացիների
մահվան հետ կապված:
No comments:
Post a Comment