ԱՄՆ-ն գիտակցում է Չինաստանի հզորությունը և փոխել է իր մարտավարությունը: Դոմինիկ Ստրոսս-Կան

Արժույթի միջազգային հիմնադրամի, ֆրանսիացի տնտեսագետ Դոմինիկ Ստրոսս-Կանի կարծիքով Վաշինգտոնը գիտակցել է Չինաստանի տնտեսական զարգացման հզորությունը և փոփոխել է իր մարտավարությունը այդ տեսանկյունից: Նման տեսակետ նա հայտնել է ИТАР-ТАСС-ին տրված հարցազրույցի ժամանակ:

«Ինձ թվում է, որ ԱՄՆ-ն գիտակցել է Չինաստանի տնտեսական զարգացման հզորությունը: Նրանք եկել են եզրակացության, որ չի կարելի շարունակել նախկին քաղաքականությունը, դիտարկելով Չինաստանը միայն որպես խիտ բնակեցված երկիր՝ բարձր տնտեսական աճի տեմպերով, սակայն առանց քաղաքական ազդեցության,- նշել է Ստրոսս-Կանը:- Ես կարծում եմ, որ ԱՄՆ-ն, ինչպես աշխարհի մյուս երկրները գիտակցել են, որ Չինաստանը առաջիկա տարիներին և տասնամյակներում կխաղա կարևոր դեր»:

Տնտեսագետի խոսքերով Պեկինում ևս գիտակցել են  դա, սակայն առաջնային պլան են մղել մի շարք ներքին խնդիրներ: «Նրանք ունեն հսկայական քանակի խնդիրներ տնտեսական աճի, շրջակա միջավայրի աղտոտման, անհավասարության, ֆինանսական համակարգի, բնակչության միգրացիայի և գյուղից քաղաք տեղափոխվելու տեսանկյունից: Ես կարող եմ շարունակել, ցանկը երկար է: Արդյունքում Չինաստանում չեն ցանկանում ընդլայնել իրենց ազդեցության ոլորտը, սակայն գիտակցում են իրենց իշխանությունը: Ես կարծում եմ, որ նման քաղաքականությունը լավագույնս համակցվում է կոնֆուցիականության ավանդույթների հետ»:

Ինչպես նշել է Ստրոսս-Կանը, ԱՄՆ-ՉԺՀ հրաբերություններում «կողմերին հաջողվել է հասնել որոշակի փոխըմբռնման, հարգանքի և դա հանդիսանում է նոր գործոն»: «Հենց այդ պատճառով ԱՄՆ-ն չի գործում բաց ճակատով, նրանք հարձակվում են Չինաստանի վրա ոչ այնպես, ինչպես մի քանի տարի առաջ,-նշել է նա: -Նրանք այլևս չեն պահանջում յուանի արժեքի իջեցման, ինչը բերում է շուկայում անհավասար պայմանների: Թեև նման արտահայտություններ դեռ կարելի է լսել, սակայն դրանք մղվել են երկրորդ պլան: Կոչերը և գործողություններն այսօր վերաբերում են այլ բանի, այն է՝ շրջափակել Չինաստանը»:

Ինչ վերաբերվում է Ռուսատանին և Եվրոպային, ապա նրանց,ինչպես կարծում է ԱՄՀ նախկին ղեկավարը, «ձեռնտու է, որ Չինաստանի հետ կարաբերություններում հաստատվի հավասարակշռություն: Նման հարաբերությունները փույլ կտային դիմադրել Ամերիկայի հզորությանը առավել կոորդինացված, հաղորդակցելով և չլինել միայն ԱՄՆ-Չինաստան հակամարտության ականատեսներ»: