Այսօր առավոտից Եգիպտոսի մայրաքաղաք Կահիրեի կենտրոնում գտնվող Ալ-Ֆաթհ մզկիթում հավաքվել էին ավելի քան 400 ցուցարարներ: Իրավիճակի աստիճանական լարվածության արդյուքնում արդեն սկսվել էին կրակոցներ` ինչպես մզկիթի ներսից, այնպես էլ դրսից: Այս պահի դրությամբ ըստ տեղեկությունների դեռևս հայտնի չէ, թե կոնկրետ ինչ անձինք են կրակել հենց մզկիթի ներսից: Այս ամբողջ գործողությունների արդյունքում, ինչպես հաղորդվում է զոհեր և վիրավորներ չկան:
Եգիպտոսի պետական հեռուստալիքի փոխանցմամբ այս պահին արդեն ոստիկանական ուժերին հաջողվել է մզկիթը ազատել ցուցարարների զանգվածներից, միաժամանակ հաղորդվում է նաև բազմաթիվ ձերբակալվածների մասին:
Ավելացնենք, որ <ցասումի ուրբաթ>-ից հետո այսօր առավոտյան պաշտոնանակ արված նախագահ Մուրսիի իսլամիստ կողմնակիցները դիրքավորվել էին մզկիթում` այնտեղից չհեռանալու պայմանով: Սակայն ոստիկանությանը հաջողվել էր հեռացնել հավաքվածների մի մասին` օգտագործելով արցունաքաբեր գազ:
No comments:
Post a Comment