Թուրքիան հնարավոր է մասնատվի: Zenith գերմանական ամսագիր

Թուրքերին զայրացրել է, որ գերմանական Zenith հայտնի քաղաքական վերլուծական ամսագիրը պատկերել է մասնատված Թուրքիայի քարտեզը: Թուրքական Milliyet-ի հաղորդմամբ` Թուրքիայի արևելյան և հարավարևելյան շրջանները` Էրզրումից մինչև Այնթափ, գերմանական ամսագրում ներկայացված են որպես Քրդստան:

Ամսագրի 30 էջը նվիրված է քրդերի ներկայիս դրությանը: «Մերձավոր Արևելքի պետություն չունեցող ամենամեծ ազգն արդեն կարող է սեփական պետություններին տեր դառնալ»,- գրում է Zenith-ը քրդերի մասին:

Ամսագրում քննվում են Թուրքիայում ընթացող «խաղաղության գործընթացը», Իրաքում Բաղդադի կառավարության և քրդերի, շիաների ու սուննիների միջև իշխանական կնճիռները, ինչպես նաև Սիրիայում ներքին պատերազմից հետո քրդերի դիրքերի ամրապնդումը:

Գերմանական ամսագիրը, ամփոփելով Մերձավոր Արևելքում տեղի ունեցող գործընթացները, եզրակացնում է. «Այն երկրների համար, որտեղ ապրում են քրդերը, մղձավանջ է Քրդստանի ստեղծումը: Սակայն Արաբական գարնան հետ միասին այս մղձավանջը կարող է իրական դառնալ»:

Քրդերը Թուրքիայի արևելյան և հարավարևելյան նահանգների հիմնական բնակիչներն են: Նրանց բնակության հիմնական տարածքը Արևմտյան Հայաստանն է: 

http://civilnet.am/2013/07/17/%D5%A3%D5%A5%D6%80%D5%B4%D5%A1%D5%B6%D5%A1%D5%AF%D5%A1%D5%B6-%D5%A1%D5%B4%D5%BD%D5%A1%D5%A3%D5%AB%D6%80%D5%A8-%D5%AF%D5%A1%D5%B6%D5%AD%D5%A1%D5%BF%D5%A5%D5%BD%D5%A5%D5%AC-%D5%A7-%D5%A9%D5%B8%D6%82/