Ռուսաստանը և Չինաստանը ձեռնոց նետեցին ԱՄՆ-ին. The New York Times

 

          Վերջերս տեղի ունեցած ռուս-չինական համատեղ  ռազմածովային ուսումնավարժանքները ամերիկյան The New York Times պարբերականը դիտարկել է ԱՄՆ աշխարհաքաղաքական շահերի համատեքստում` միաժամանակ կարծիք հայտնելով, որ այդ կերպ Ռուսաստանը և Չինաստանը մարտահրավեր են նետում ԱՄՆ-ին: 

    Պարբերականը նշում է, որ Չինաստանի համար սա խոշորագույն ուսումնավարժանք էր` այլ երկրի մասնակցությամբ, որի նպատակն էր ամրացնել ռազմավարական վստահությունը և միաժամանակ բարձրացնել երկու նավատորմերի գործողությունների համաձայնեցվածությունը: 

   Չինաստանի նման կերպ գործելաոճը, ըստ պարբերականի, նշանակում է զսպել ամերիկյան ռազմական ներկայացվածությունը Ասիայում, ընդ որում Չինաստանը դա անում է Ռուսաստանի հետ համատեղ: Իսկ մյուս կողմից էլ, շարունակում է պարբերականը,- այս համատեղ ուսումնավարժանքը ուղղված էր ԱՄՆ-Ճապոնիա դաշինքի դեմ, քանզի Չինաստանը և Ճապոնիան ներկա պահին ունեն մի շարք տարաձայնություններ ոչ միայն քաղաքական խնդիրների շուրջ, այլ նաև մի քաի կղզիների կարգավիճակի սահմանման հետ կապված: 

  Մեջբերելով ամերիկյան ռազմական փորձագետ Նան Լիի խոսքերը` պարբերականը փաստում է, որ համաձայն դրանց Ռուսաստանը և Չինաստանը չեն հանդիսանում պաշտոնական դաշնակիցներ, հետևաբար իրական պատերազմական կամ լարված վիճակներում համատեղ գործելու և իրար օգնելու հնարավորությունը անորոշ է մնում: