Բնական է, որ
Հայաստանը ցանկանում է բաց տեսնել իր սահմանները բոլոր ուղղություններով: Այս
աշխատանքների իրականացմանը միտված է Հայաստանի դիվանագիտությունը»,-այսօր
լրագրողների հետ հանդիպմանն անդրադառնալով հայ-թուրքական հարաբերություններին ասաց
ՀՀ-ում Ֆրանսիայի արտակարգ և լիազոր դեսպան Անրի Ռենոն:
Նա նշեց, որ հայ-թուրքական արձանագրությունների ստորագրությունները մեծ հույսեր
տվեցին, որ սահմանը կբացվի, սակայն ավաղ, այդ ակնկալիքները չկոնկրետացան,
չիրականացան: «Անհրաժեշտ է ապահովել, որ Հայաստանը բոլոր ուղղություններով լինի
բաց երկիր և Ֆրանսիան շատ է ցանկանում, որ դա իրականանա»,-ասաց դեսպանը:
Նրա խոսքերով, իրենք ցանկանում են, որ Հայաստանը կարողանա վերագտնել Հարավային Կովկասում իր խաչմերուկի կարգավիճակի դերակատարումը:
Անդրադառնալով Հայաստանի` ԵՄ առջև ստանձնած իր պարտավորություններին դասպանն ասաց. «Հայաստանը հանձնառություն է ստանձնել Եվրոպայի հետ մերձեցման հետ կապված: Մի քանի տարի առաջ ստորագրվել է Հայաստան-ԵՄ համաձայնագիրը համագործակցության վերաբերյալ: Այս պայմանագրից զատ կա նաև «Արևելյան գործընկերության» ծրագիրը և այժմ Հայաստանում ավարտին է մոտենում ասոցացման համաձայնագրի շուրջ պայմանավորվածությունները»:
Նա նշեց, որ նախատեսվում է, որ այս տարի Վիլնյուսում տեղի կունենա այս համաձայնագրի նախաստորագրման արարողությունը: «Սա կարևոր ձեռքբերում է և ես իմ շնորհավորանքներն եմ հղում Հայաստանին, որը իր պարտավորությունների կատարման ավարտական փուլում է գտնվում»,-ասաց բանախոսը:
Ըստ նրա, Ֆրանսիան երբեք չի կասկածել, որ Հայաստանը ի զորու կլինի իրականացնել իր ստանձնած պարտավորությունները և Հայաստանը առաջընթաց է գրանցել այս ոլորտում: «Հայաստանի տնտեսությունը կարդիականացվի, կավելանան առևտրային կապերը Եվրոպայի հետ ի շնորհիվ այդ համաձայնագրերի: Նախաստորագրումից հետո տեղի կունենան օրենսդրական բարեփոխություններ և այս համաձայնագրերը լիարժեքորեն կիրականացվեն»,-ասաց դեսպանը:
Ա. Ռենոն նշեց, որ Հայաստանի նախագահը և վարչակազմը հավուր պատշաճի լծվել է այս գործընթացի իրականացմանը:
No comments:
Post a Comment