Ամերիկացի սենատորն առաջարկել է բոյկոտել Սոչիի օլիմպիադան

ԱՄՆ հանրապետական սենատոր Լինդսի Գրեմը հայտարարել է, որ նախագահ Բարաք Օբաման պարտավոր է դիտարկել Սոչիի Օլիմպիական խաղերը բոյկոտելու հարցը, եթե Ռուսաստանը ապաստան տրամադրի Էդվարդ Սնոուդենին: «Ես ռուսներին կուղարկեի ամենից ոչ երկիմաստ ազդանշանը, որը հնարավոր է ուղարկել»,-ասել է քաղաքական գործիչը:

Ըստ Գրեմի՝ բոյկոտը կաշխատի: «Քանի որ այն, ինչ անում են նրանք, անտանելի է: Մենք վստահաբար չենք վերբեռնել Ռուսաստանի հետ հարաբերությունները դրական իմաստով»,- նշել է նա: «Եթե այդ տղային ապաստան տան, դա կլինի իրավունքի գերակայության խախտում և ապտակ ԱՄՆ-ին»,-ավելացրել է սենատորը:

Ինչպես նշում է The Hill-ը, Գրեմը հանդիսանում է առաջին ամերիկյան սենատորը, ով առաջարկել է կապել Սոչի 2014ը և Սնոուդենի ապաստանի հարցը: «Շատ բաներ կան, որ կարող ենք անել: Բայց կարծում եմ, որ Օլիմպիադան բոյկոտելու մեր ունեցած փորձը (1980թ Մոսկվայի օլիմպիադան) այդքան էլ հաջող չէր»,- ասել է Գրեմի գործընկեր Ջոն Մաքքեյնը:

 Ավելի վաղ Գրեմը հայտնել էր, պատրաստում է Ռուսատանի դեմ սանկցիաների առաջարկություն, եթե նա չհանձնի Սնոուդենին: «Մենք ուսումնասիրում ենք, թե ազդեցության ինչպիսի լծակներ ունենք: Ես փորձում եմ միջոցառումների փաթեթ հավաքել, որպեսզի ցույց տանք ռուսներին, թե որքան լուրջ ենք տրամադրված»,-հայտնել է սենատորը: