Միգրացիոն քաղաքականության խստացում Մեծ Բրիտանիայում

Մեծ Բրիտանիայի իշխանությունները Լոնդոնի վեց շրջաններ բաց կթղնեն գովազդային պաստառներով բեռնատարներ, որոնց վրա պատկերված են անօրինական միգրանտներին ուղղված երկիրը լքելու կոչեր: Հակառակ դեպքում ներգաղթյալներին սպասվում է ձերբակալություն: Այդ մասին հաղորդում է BBC News-ը:

Վահանակների վրա գրված են նաև այնպիսի ծառայությունների հեղախոսահամարներ, որոնք միգրանտին կտեղեկացնեն ինչպես վերադառնալ հայրենիք: Բացի այդ քաղաքում կտարածվեն նմանատիպ կոչերով թռուցիկներ և թերթեր:

Բեռնատարները կշրջեն Լոնդոնի այնպիսի թաղամասերով, ինչպիսիք են՝ Բառնետը, Հաունսլոուն, Բառկինգ և Դահենեմը, Իլինգը, Բրենթ և Ռաբրիջը: Ինչպես տեղեկացնում է Huffington Post-ը այդ թաղամասերում անօրինական ներգաղթյալների կուտակումներն ամենամեծն են:

Բեռնատարները և թռուցիկները կազմում են միգրացիոն բարեփոխման միայն մի մասը: Հետագայում իշխանությունները ցանկանում են այդ ճանապարհով հրապարակել նաև յուրաքանչյուր թաղամասում առկա անօրինական ներգաղթյալների քանակը:

Բրիտանիայի միգրացիոն հարցերով նախարար Մարկ Հարերը պարզաբանել է, որ նման գովազդն արվում է հենց ներգաղթյալների բարեկեցության համար: Ըստ նրա՝ ամեն տարի ոստիկանությունը միգրացիոն օրենսդրության խախտման համար ձերբակալում է հսկայական քանակությամբ միգրանտների: Եթե անօրինական ներգաղթյալներն օգտվեն գովազդի խորհուրդներից և դիմեն իշխանություններին, ապա կարող են խուսափել բանտից:

Բրիտանական իշխանությունների ծրագիրը ենթարկվել է նաև քննադատության: Կառավարության նախկին անդամ Սառա Թիդեր The Guardian թերթին հայտարարել է, որ իշխանության նման արշավն ուղղված է ներգաղթյալներին վախեցնելու: Բրենթի ՏԻՄ ղեկավար Մուհամեդ Բատտի խոսքերով էլ այդ ուղերձները կհանգեցնեն ներգաղթյալների նկատմամբ տեղի բնակչության ագրեսիվ վերաբերմունքի:   

Ինչպես տեղեկացնում է Huffington  Post-ը, միգրացիոն բարեփոխումը մեկնարկել է այն բանից հետո, երբ երկրում ներգաղթի մակարդակը հասել է առավելագույնին վերջին 10 տարվա ընթացքում: Համաձայն վերջերս անցկացված մարդահամարի 2001-ից 2011թթ Անգլիայի և Ուելսի բնակչությունը միգրանտների հաշվին ավելացել է 2.1 մլն-ով: