Լինելով միայնակ Աֆրիկայից եկող փախստականների
հոսքերի հետ՝ Մալթան խնդրել է ԵՄ-ին փոխել միգրացիոն քաղաքականությունը: Նշենք, որ
միայն անցած շաբաթվա ընթացքում նավերով այդ պետություն է ժամանել 400 միգրանտ և փախստականների
հոսքը չի նվազում: Իր հերթին Մալթայի վարչապետ Ջոզեֆ Մուսկատը այսօր, նոր փախստականների
ժամանումից հետո, ԵՄ-ին կոչ է արել մտցնել նոր միգրացիոն քաղաքականություն:
Նա նշել է, որ մալթացիներին «անհրաժեշտ
է եվրոպական հետևողական քաղաքականություն»:
«Հանդուրժողականության մասին դատարկ խոսակցությունները
բավարար չեն,- նշել է նա: -Եթե չլինեն փախստականներին վերաբերվող եվրոպական կանոններ,
իրավիճակը կդառնա անտանելի»:
Ավելացնենք, որ Մալթան եվրոպական պետությունների
շրջանում առաջին տեղում է 1000 բնակչին ընկնող փախստականների քանակով: 2012թին
1000 մալթացուն ընկնում էր ապաստանի հայտ ներկայացրած 21.7 մարդ:
Համաձայն ԵՄ գործող միգրացիոն կանոնների՝
փախստականի կարգավիճակ ստանալ ցանկացողները պետք է մնան այն երկրում, որով հայտնվել
են ԵՄ տարածքում, քանի դեռ նրանց դիմումը քննվում է: Միգրանտների մեծ մասը ԵՄ-ում հայտնվում
է հենց Մալթայի տարածքով:
No comments:
Post a Comment