Թուրքիայում փոփոխվել են բոլոր բարձրաստիճան պաշտոնյաները

Թուրքիայի բարձրագույն ռազմական խորհրդի որոշմամբ փոփոխվել են զինված ուժերում մի շարք հրամանատարներ: Այդ թվում նաև ժանդարմերիայի հրամանատար Բեքիր Կալօնջուն, ով, ինչպես սպասվում էր, պետք է գլխավորեր ցամաքային զորքերը:

Համաձայն երկրում առկա ռազմական ավանդույթների, եթե Կալաօնջուն  նշանակվեր ցամաքային զերքերի նոր հրամանատար, ապա 2015թ-ին նա կդառնար Գլխավոր շտաբի պետ՝ փոխարինելով այդ պաշտոնում գործող գեներալ Նեջեթ Օզելը, հաղորդում է Today's Zaman-ը:

Համաձայն Խորհրդի որոշման՝ Գլխավոր շտաբի պետի օգնական Հուլուսի Աքարը նշանակվել է ցամաքային զորքերի հրամանատարի պաշտոնում, փոխարինելով գեներալ Հայրի Քիվրիկօղլուն: Այդպիսով Աքարը 2015թ-ին կարող է դառնալ Գլխավոր շտաբի պետ:

Թուրքիայի ռազմաօդային ուժերի մարտական պատրաստվածության հրամանատար հեներալ-լեյտենանտ Ակին Օզթյուրքը փոխարինել է Մեհմեթ Էռնեթին ռազմաօդային ուժերի հրամանատարի պաշտոնում: Ռազմական կրթության և ռազմավարության հրամանատարության ղեկավար Սերվեթ Յորուկը փոխարինել է գեներալ Կալաօնջուին՝ ժանդարմերիայի ուժերի ղեկավարի պաշտոնում, իսկ ռազմածվային ուժերի հրամանատար է դարձել փոխ-ադմիրալ Բյուլենթ Բոստանօղլուն:

Ավելի վաղ այդ որոշումները ներկայացվել են Թուրքիայի նախագահ Աբդուլլա Գյուլին:
Ինչպես ենթադրվում էր Կալօնջուի թեկնածություն հավանություն չի ստացել կառավարության կողմից, քանի որ նրա անունը շոշափվում էր «Էրգենիկոնի» մեղադրական գործում՝ որպես կառավարող Արդարություն և արգացում կուսակցության կողմից ձևավորված կառավարության դեմ հեղաշրջման կազմակերպիչ:

2008թ-ից Թուրքիայում պետական հեղաշրջման կազմակերպման կասկածով ձերբակալվել են 100 ից ավելի սպաներ, որոնք դեմ էին Էրդողանի գլխավորած չափավոր իսլամիստների կառավարությունից:

Դավադիրների (այդ թվում՝ «Էրգենիկոն» կազմակերպությունը, որին Թուրքիայի իշխանությունները ճանաչել են որպես ահաբեկչական) դեմ հետաքննությանը փաստացիորեն հաջողվեց կոտրել զինվորականների ունեցած ավանդական ազդեցությունը քաղաքականության վրա: