Բախումներ քրդերի և իսլամիստների միջև Սիրիայում

Թուրքիային սահմանակից սիրիական Ռաս ալ-Այն քաղաքում քուրդ զինյալների և իսլամիստների միջև բախումն ավարտվել է իսլամիստ գրոհայիններին քաղաքից ամբողջությամբ դուրս մղելով:

Ինչպես հաղորդում են ինտերնետային աղբյուրները, մարտերի ընթացքում զոհվել են 11 հոգի՝ 9 իսլամիստ և 2 քուրդ զինյալ:

Իսլամիստների, որոնց մեծ մասը պատկանում են «Ջաբհաթ ան-Մանսուր» ծայրահեղական խմբավորմանը, վերահսկողության տակ մնացել է միայն սահմանի անցագրային կետը, որի շուրջ ընթանում են դեռևս ընթանում են բախումներ: Իսլամիստների ջոկատների մեծ մասը նահանջել են մոտակա Թել Խալաֆ, Ասֆար և Նաջար բնակավայրեր:

Ավելի վաղ հաղորդվում էր, որ իրավիճակը խիստ սրվել է Սիրիայի հյուսիսում, որտեղ Թուրքիայի սահմանի հարևանությամբ բնակվում են քրդեր: 

Վերջին օրերս տեղի ունեցած բախումների արդյունքում քրդերի և ապստամբների կողմից զոհվել է ավելի քան 30 մարդ: 10 քարդեր և արաբներ համարվում են «անհայտ կորած»: Ըստ տեղական ԶԼՄ-ների նրանք առևանգվել են և գտնվում են հակամարտող կողմերի մոտ:

Ինչպես նշում են փորձագետները, Իրֆինում տեղի ունեցող այդ դեպքերը նոր ճակատ են բացում արդեն երկու տարի Սիրիայում ընթացող հակամարտությունում: