«Գուանտանամոյի
ամերիկյան ռազմակայանի բանտում դեռևս չեն պատրաստվում դադարեցնել զանգվածային հացադուլը:
Կալանավորներին անգամ չեն փորձում հանգստացնել, չնայած նրանցից շատերը վաղուց արդեն
պետք է լինեին ազատության մեջ»,- պատմում է ռազմական փաստաբան Բարրի Վինգարդը:
«Իշխանությունները
ոչինչ չունեն Գուանտանամոյի բանտարկյալների 98%-ի դեմ: Այն արդարացումը, որ նրանց ազատ
չեն արձակում, քանի որ նրանք կարող են ինչ որ բան կատարել ապագայում, ուղղակի ծիծաղելի
է: Մենք չենք կարող թույլ տալ, որ մարդկանց իրավունքները շարունակեն խախտվել: Եթե նախագահ
Օբաման ցանկանար, ապա կարող էր գոնե փորձել դադարեցնել հացադուլը: Ես անցած շաբաթ Գուանտանամոյում
էի, և չտեսա, որ նա գոնե ինչ թր կերպ փորձեր միջամտել հացադուլին, առավել ևս նրանց
ազատ արձակել կամ դատել ըստ օրենքի»:
Հիշեցնենք,
որ Գուանտանամոյի բանտը ստեղծվել է 2002 թվականին։ Այնտեղ են պահվում Աֆղանստանում
եւ Իրաքում ահաբեկչության դեմ պատերազմի ընթացքում գերեվարված եւ միջազգային ահաբեկչության
մեջ մեղադրվող անձինք։ Ներկայումս այնտեղ 200-ից ավել կալանավորներ են պահվում։ Բանտում
մարդկանց իրավունքների ոտնահարման դեպքերի շուրջ բազմիցս եղել են սկանդալային բացահայտումներ:
Դեռեւս 2012թ նախագահական ընտրարշավի ժամանակ
Բարաք Օբաման քանիցս խոստացել է փակել Գուանտանամոյի տխրահռչակ բանտը, ուր պահվում
են միջազգային ահաբեկչության մեջ մեղադրվող կալանավորներ։ Մինչ օրս իրավիճակը
մնում է անփոփոխ:
No comments:
Post a Comment