Մոսկվայի Շերեմենետեվո օդանավակայանի տրանզիտային գոտում գտնվող ԱՄՆ ԿՀՎ-ի նախկին աշխատակից Էդուարդ Սնոուդենը քիչ առաջ մարդու իրավունքների պաշտպանությամբ զբաղվող կազամակերպությունների ներկայացուցիչների հետ ունեցած հանդիպումից հետ քաղաքական ապաստան է խնդրել Ռուսաստանի Դաշնությունից, քանզի ինքը չի կարող մեկնել Լատինական Ամերիկա: Այս մասին հաստատել է նաև հանդիպմանը ներկա Human Rights Watch կազմակերպության աշխատակից Տատյանա Լոկշինան:
Հանդիպումը տեղի է ունեցել փակ դռների հետևում օդանավակայանի F տերմինալում: Ավելացնենք, որ րոպեներ առաջ պաշտոնական Կրեմլը հայտարարել է, որ չնայած դեռ անձնական դիմում չի ստացել, սակայն Սնոուդենին առաջադրված պայմանները շարունակում են նույնը մնալ, համաձայն որոնց, Սնոուդենը պետք է դադարեցնի գաղտնազերծումների միջոցով վնաս պատճառել ԱՄՆ-ին: Ընդգծենք, որ հաղորդումների համաձայն Սնոուդենը արդեն համաձայնել է սույն պայմանին:
Այս պահի դրությամբ փորձագետների գնահատականների համաձայն հավանաբար Սնոուդենը կստանա ապաստան, թեկուզև ժամանակավոր:
No comments:
Post a Comment