 |
| Դենիս Կանավան |
Արքայազն Ջորջի ծնունդը Շոտլանդիայի անկախության հարցի հետ կապված առաջացրել է պառակտում ողջ Միացյալ Թագավորությունում, հաղորդում է Reuters-ը:
Մեծ Բրիտանիայի խորհրդարանի Լեյբորիստական կուսակցության պատգամավոր և Շոտլանդիայի անկախության շարժման կողմնակից Դենիս Կանավանը կիրակի օրը կատարել է հակամիապետական հայտարարություն այն մասին, որ արքայազն Ջորջը՝ արքայազն Ուիլյամի առաջին որդին, երբեք չի դառնա անկախ Շոտլանդիայի թագավոր:
«Իշխանության ժառանգական փոխանցման պահպանումը 21-րդ դարում կլինի վիրավորանք ժողովրդավարությանը և անախրոնիզմ»,- ասել է Կանավանը:
Ավելի վաղ, Շոնտլանդական ազգային կուսակցությունը, 2011թ-ի ընտրություններին ստանալով խորհրդարանում տեղերի մեծամասնությունը, հայտարարել էր, որ անկախ Շոտլանդիան պետք է պահպանի ենթակայություն Ելիզավետա թագուհուն և ֆունտ ստեռլինգը՝ որպես ազգային արժույթ:
Հիշեցնենք, որ վարչապես Դեվիդ Քեմերոնը ստորագրել է 2014թ-ի սեպտեմբերի 18-ին Շոտլանդիայի անկախության հարցով ռեֆերենդում անցկացնելու մասին համաձայնագիր:
No comments:
Post a Comment