Միաջազգային հանրության արձագանքը եգիպտական ռազմական հեղաշրջման կապակցությամբ

Եգիպտոսում տեղի ունեցած ռազմական հեղաշրջման վերաբերյալ այսօր առավոտյան արդեն իրենց դիրքորոշումն են արտահայտել մի շարք երկրներ: Մասնավորապես`  ԵՄ-ը կոչ է անում շուտափույթ վերադարձ կատարել դեպի ժողովրդավարություն: ԵՄ-ի Արտաքին քաղաքականության գործերով պատասխանատու Քեթրին Էշտոնը նշել է. "Հրատապ կոչ եմ անում կողմերին վերադառնալ դեպի ժողովրդավարական գործընթաց` ներառյալ ազատ, արդար նախագահական և խորհրդարանական ընտրություններ, սահմանադրության ընդունում: Այս բոլորը պետք է կատարվեն բացառապես համընդգրկուն եղանակով` այդ կերպ թույլ տալով երկրին վերսկսկելու և ավարտելու անցումը դեպի ժողովրդավարություն":

Ավելացնենք նաև, որ Էշթոնը առանձնահատուկ շեշտադրել է նաև ժամանակավոր կառավարության համակողմանիությունը` ևս մեկ անգամ կարևորելով մարդու հիմնարար իրավունքների պաշտպանության և օրենքի գերակայության գաղափարները:

ԱՄՆ-ի արձագանքը եգիպտական դեպքերին բավական ուշագրավ էր: Նախ այն, որ չնայաց իրավիճակի լարվածության մեծանալուն` Միացյալ նահանգների կողմից դիրքորոշման արտահայտումը ուշանում էր և ոչ մի քննադատական տարրեր պարունակող ելույթներ չեղան: Այնուհետև որոշ ժամանակ անց Միացյալ նահանգները սկսեց մտահոգվել Կահիրեում ԱՄՆ դեսպանության անվտանգության խնդրով` միաժամանակ կոչ անելով իր քաղաքացիներին հնարավորինս զերծ մնալ դեպի Եգիպտոս ցանկացած բնույթի այցելություններից:  Այս ամենից հետո արդեն ԱՄՆ նախագահ Բարաք Օբաման հանդես եկավ հայտարարությամբ` արտահայտելով իր խիստ մտահոգությունը բանակի քաղաքական կյանքին միջամտելու վերաբերյալ և կոչ անելով իշանությունը վերադարձնել քաղաքացիական ղեկավարությանը:  " Ոչ մի անցում դեպի ժողովրդավարությանը առանց դժվարությունների տեղի չի ունենում, սակայան վերջնական արդյունքում այն պետք է լինի ժողովրդի կամքի ճշմարիտ արտահայտությունը: Ազնիվ, կոմպետենտ և ներկայացուցչական կառավարություն. ահա այն ինչ փնտրում է շարքային եգիպտացի ժողովուրդը"- իր ելույթում նշել է ԱՄՆ նախագահ Բարաք Օբաման: 

Ֆրանսիայի արտագործնախարար Լորան Ֆաբիուսը ևս իր դիրքորոշման մեջ շեշտը դրել է ընտրությունների ժողովրդավարական հիմքով անցկացնելու անհրաժեշտության վրա` մատնանշելով` քաղաքացիական խաղաղության, բազմակարծության, անհատի ազատության գաղափարների կարևորությունը:

Սիրիրայի նախագահ Բաշար Ալ Ասսադը թեմային անդրադարձել է պետական ԱԼ-Թհավրա հեռուստալիքին տված հարցազրույցի շրջանակներում` նշելով. "Այն, ինչ կատարվում է այժմ Եգիպտոսում նշանակում է <քաղաքական իսլամի> տապալում, և սա ճակատագրական է ամբողջ աշխարհում բոլոր նրանց համար, ովքեր փորձում են կրոնը օգտագործել քաղաքական կան կուսակցական նկատառումներից ելնելով",- եզրափակել է Ասսադը: 

Ծոցի միապետություններից ԱՄԷ-ը ըստ էության ողջունել է եգիպտական ժողովրդին և բանակի գործողությունները: Նորին Գերազանցություն ԱՄԷ-ի արտաքին գործերի նախարար Աբդուլլահ բին Զայեդ ալ-Նահայան իր լիակատար գոհունակությունն է արտահայտել` մասնավորապես շեշետլով. "Եգիպտացի մեծ ժողովուրդը ի վիճակի է անցնել համընթացս դժվար պահերը, որում հիմա Եգիտոսն է": Անդրադառնալով բանակին, վերջինս նշել է."Մեծն եգիպտական բանակը ևս մեկ անգամ ապացուցեց, որ իրենք են ուժեղ պաշտպաններն ու երաշխավորը, որ Եգիպտոսը մնում է օրենքի պետություն":