Մերձավոր Արևելքի մի շարք երկրներում կիրակի
օրը՝ օգոստոսի 4-ին, անտանգության նկատառումներից ելնելով, կփակվեն ԱՄՆ դեսպանատները,
հաղորդում է BBC-ն: Այս միջոցառումները ձեռնարկվել են ամերիկացի դիվանագետների անվտանգության
ապահովման նպատակով և պայմանավորված են ստացված սպառնալիք պարունակող հաղորդագրություններով:
Պետդեպարտամենտի մամլո քարտուղար Մարի
Հարֆը հայտարարել է, որ այդ ցուցումը վերաբերվում է ԱՄՆ բոլոր դեսպանատներին և հյուպատոսություններին,
որոնք աշխատում են կիրակի օրերին (մուսուլմանական երկրներում կիրակի օրը աշխատանքային
օր է):
CBS News-ի տվյալներով ԱՄՆ դիվանագիտական
ներկայացուցչությունները օգոստոսի 4-ին կփակվեն Բահրեյնում, Իսրայելում, Հորդանանում,
Քուվեյթում, Լիբիայում, Օմանում, Քաթարում, Սաուդյան Արաբիայում, Եմենում, Աֆղանստանում
և Բանգլադեշում:
Հիշեցնենք, որ 2012 թ-ի սեպտեմբերի
11-ին Լիբիայի Բենգազի քաղաքում ամերիկյան հյուպատոսության վրա կատարված հարձակման
արդյունքում սպանվել էր ԱՄՆ դեսպան Քրիստոֆեր Սթիվենսը և 3 աշխատակից:
No comments:
Post a Comment