Սիրիական ընդդիմությունը վերջին շաբաթների
ընթացքում ստացել է զգալի քանակությամբ զենք: Այդ մասին հայտարարել է ԱՄՆ
պետքարտուղար Ջոն Քերին:
«Որքանով որ ես եմ տեղյակ, տարբեր տիպի
զգալի քանակությամբ զինամթերք է հասել սիրիական ընդդիմությանը վերջին շաբաթների ընթացքում»,-
Քերիի խոսքերը մեջբերում են ինտերնետային աղբյուրները: Նա չի հստակեցրել, թե ինչ մատակարարումների
մասին է խոսքը, միայն հիշատակել է «Սիրայի ընկերներ» խումբը:
Ինպես հաղորդվել է, հուլիսի 10-ին ԱՄՆ
Սենատի և Ներկայացուցիչների պալատի հետախուզության հարցերով հանձնաժողովները արգելք
են դրել սիրիական ընդդիմությանը օգնություն տրամադրելու Բարաք Օբամայի որոշման
վրա՝ մտցնելով խիստ սահմանափակումներ այդ միջոցառման ֆինանսավորման համար:
Օրենսդիրների նման որոշումը պայմանավորված էր այն մտավախությամբ, որ զենքը կարող է
ընկնել ահաբեկիչների (այդ թվում՝ Ալ Քաիդայի հետ կապ ունեցող) ձեռքը:
Համաձայն հանձնաժողովների անդամների
կարծիքի՝ նախագահի աշխատակազմի ծրագիրը մինչև վերջ մտածված և աշխատող չէ, քանի որ
նախատեսված չի Սիրիա մատակարարվելիք զենքի վերահսկողության հնարավորությունը:
Ներկայումս, ըստ ոչ պաշտոնական տվյալների,
Սիրիա դեռևս չեն ժամանել ԱՄՆ զենքի մատակարարումներ: Սիրիացի գրոհայինները
օգտագործում են Սաուդյան Արաբիայից, Քաթարից և Թուրքիայից ստացված զենք-զինամթերք:
No comments:
Post a Comment