ԱՄՆ-ն անցնում է «կանաչ» փամփուշտների

ԱՄՆ բանակը ծրագրում է անցում կատարել էկոլոգիապես մաքուր փամփուշտների, որոնք չեն պարունակում կապար: Ինչպես հաղորդում է The Daily Caller-ը  Պենտագոնին ենթակա Picatinny Arsenal արտադրական կազմակերպությունը, զբաղվում է 7.62 մմ տրամաչափի M80A1 «էկոլոգիական»  տիպի փամփուշտների մշակմամբ:

ԱՄՆ զինվորականները արդեն ունեն փոքր տրամաչափի նմանատիպ զինամթերքից օգտվելու փորձ: 2010թ-ից Պենտագոնը օգտագործում ե 5.6 մմ (M855A1) տրամաչափի փամփուշտներ, որոնց կապարե գնդակը փոխարինված է պղնձե գնդակով: Գնդակի կառուցվածքի մեջ մտնում է պղինձ և պողպատ:

M80A1 ERP-ում, կամ այսպես կոչված «կանաչ» փամփուշտում պղնձե կապարե գնդակի փոխարեն պղնձե գնդակ է,- պատմել է փոխգնդապետ Ֆիլ Կլարկը:- Դա փամփուշտը դարձնում է ավելի էկոլոգաիապես մաքուր և առավել արդյունավետ՝ մարտի գաշտում: Այս պահին մենք արդեն իսկ 5.56մմ տրամաչափի փամփուշտների արտադրությունից հանել են 2 տոննայից ավել կապար»:

Պղնձե գնդակով փամփուշտներ

 «M80A1 EPR-ի ներմուծումը սկիզբ դրեց 5.56 մմ տրամաչափի փամփուշտների կատարելագործման, որոնք սպառազինություն են մտել դեռևս անցած դարի 80-ականների սկզբին»,- հայտարարել է զինվորականը:

5.56 մմ տրամաչափի «կանաչ փամփուշտների» վերջին արդիականացումը ակտիվորեն գովազդվում են իրենց ավելի լավ տեխնիկական բնութագրիչների համար, սակայն որոշ փորձագետներ պնդում են հակառակը:

Fox News-ի տվյալներով շատ զինվորականներ խոստովանում են, որ M80A1-ը չի տիրապետում բավական հարվածային ուժով: Զինվորական քննարկումներից մեկի ընթացքում ոմանք կարծիք են հայտնել նաև, որ կապարե գնդակներն ավելի մահացու են, քան նրանց «կանաչ» անալոգները: